No segundo cuadrimestre centrarémonos no estudo da literatura galega, ademais de revisar e ampliar os coñecementos que os alumnos posúen da lingua galega (exercicios gramaticais, redaccións e conversa).
Haberá dúas horas semanais de clases teóricas que o profesor dedicará ao estudo dos autores máis importantes das nosas letras. Nelas faranse lecturas e comentarios de textos. Así mesmo, haberá unha hora semanal dedicada a exercicios orais e escritos de lingua. Por outra banda, o alumno deberá elaborar e entregar un comentario crítico escrito en galego sobre algunha das tres lecturas obrigatorias que debe facer ao longo do curso, tarefa práctica que se considerará equivalente a quince horas no cómputo lectivo.
A metodoloxía que se vai seguir para conseguir os obxectivos propostos é a seguinte:
- Aproximación á literatura galega.
- Leccións maxistrais.
- Prácticas textuais, audiovisuais e orais.
- Asistencia ás clases (recomendable).
- Titorías individuais.
|